Оваа година, со помош на Агенцијата за вработување на Република Северна Македонија, може:

1.

Ако си млада Ромка со желба за успех и напредок, имаш можност да започнеш совој бизнис, преку поддршката за регистрирање на фирма. Ако се пријавиш, може да добиеш:

• До 369.000 денари неповратни средства за основање на бизнис;
• Менторска поддршка од најмалку 120 часа за развој на бизнис-план и поддршка во првите 12 месеци по основањето на бизнисот;
• Можност за вклучување и во други мерки, како што е мерката за субвенционирање на плати за вработените и мерката вработување и раст на правни субјекти.

* Бизнисот треба да работи во првите две години. Доколку престане со работа во првата година, треба да вратиш 80% од земените средства. Доколку престанокот е во втората година, враќаш само 60%.

2.

Ако си невработена, може да се вклучиш во проекти од инфраструктура и заштита на животната средина на локално ниво. Ако се пријавиш, може да добиеш:

• Дневница во висина од 800 денари, со вклучен данок на личен доход и осигурување за инвалидност и телесно оштетување причинето при повреда на работа;
• Постепено вклучување на пазарот на трудот.

* Работното ангажирање може да биде реализирано во еден циклус годишно, во времетраење од 30 дена по 4 часа дневно.

3.

Ако си невработена, може да се вклучиш во обука за стекнување стручни квалификации и вештини за обезбедување на услуги на грижа во заедницата. Ако се пријавиш, може да добиеш:

• Месечен надоместок во висина од 11.000 денари – ако редовно ја посетуваш обуката три месеци и ги извршуваш дадените работни задачи;
• Работен однос од вкупно 13 месеци како давател на социјални услуги.